माझ्या घरट्यातलं पाखरू आहेस
अंगणातलं माझ्या पारिजातक आहेस
बागेतलं प्राजक्ताच फुल आहेस
प्रतिबिंब माझ्या मनाचे आहेस
चेहऱ्यावरचे हास्य आहेस
अंतकारणाचा धागा आहेस
जीवनाचा ताणा-बाणा आहेस
रेशमी नात्याची तू गुंफण आहेस
मखमली शालीची तू ऊब आहेस
मायेचा स्पर्श आहेस
प्रेमाचा ओलावा आहेस
हृदयाचे मर्म आहेस
डोळ्यांच तेज आहेस
कारुण्याचा ठेवा आहेस
भावनांचा आधार आहेस
आशेचा नवीन किरण आहेस, खरंतर.......
तुझ्यामुळेच माझ्या जगण्याला अर्थ आहे
म्हणून जगण्याची आशा आहे
माझ्या जीवनाचं सार्थक आहेस
माझ्या पूर्ण जीवनाची तपस्या आहेस
घराची तू धरोहर आहेस
संस्कारांची देण आहेस
कर्तृत्वाची खाण आहेस
देवानं दिलेली मौल्यवान देणगी आहेस
तू एक अनमोल हिरकणी आहेस
तू माझी मुलगी आहेस!!!!.....
जगाला त्याचीच खंत आहे..... पण!!!
मला तुझा अभिमान आहे
आजचा दिवस माझ्या जीवनात
मोठा भाग्याचा आहे!!!!!.....
हेच माझ्या साठी भक्कम आहे!!!!!!!.......
No comments:
Post a Comment