मला वाटतं .....

निळ्या शुभ्र आकाशाकडे पाहतांना

पक्षी मला ह्वावेसे वाटते ....

उंच भरारी  घेतांना आभाळाला मिठी मारत 

गगन चुंबावेसे  वाटते ..

काळ्याभोर नभाकडे पाहतांना

पाऊस मला व्हावेसे वाटते ..

पाऊस होऊन मुसळधार

तळ्यात  डूबावे वाटते ..

तळ्यातील चंद्राच्या प्रतीबिम्बात

स्वतःला न्याहाळत बसावे वाटते..नि चंद्राला न्याहाळताना

त्याची मंद ,धुंद ,शीतल   छाया  बनून   चंद्रा  सोबत   राहावे वाटते..

हिरवी पाने पाहून , गार  वारा  मला व्हावेसे वाटते नि

मनाला हलकेच स्पर्शुन

हिंदोळ्यावर गीत गुणगुणावे वाटते