गणराज अधिपती

मंगलमुर्ती गणराया

आगमन तुझे झाले आज

रस्ते सजले,अंगणी सुवासिक सडे,

रांगोळी रेखाटली ,हवेत झळकल्या

पताका उंच,घरा घरात पक्वान्न

थाटले . मोदकांची थाळी भरली

बालकांची रेलचेल झाली

दुर्वांची जुडी माथी चढली

उटी चंदनाची कपाळी

प्राजक्ताची माला गळ्यात शोभली  

भक्तगण प्रेमात न्हाऊन निघाले

तुझ्या येण्याने आप्त-स्वकीय एक झाले

सोहोळ्यात तुझ्या विसरले हेवे दावे

संपले मनातले द्वेष त्यांचे

प्रत्येकाच्या मनी एकच ध्यास

गणपती बाप्पांचा आशीर्वाद त्यांस

मोदकांचा प्रसाद प्रत्येकांस......