भाव मनीचे

  

 राखीचा हा धागा साधा ,

बांधतो आपल्याला ऋणानुबंधात .

प्रेमळ रेशमाचे हे बंध

गुंफतात आपल्याला

रक्ताच्या  नात्यात   

भाव बंधनाचा हा

नाजुक रेशमी गोफ

प्रत्येक गोफात

वाढतो अंश प्रेमाचा

अशीही गुंफण मायेची

सदैव असू दे हृदयाशी

बांधशील तू मनगटावरी तेव्हा

हात ठेवशील छातीशी

क्षणात पोहोचेल संवेदना

तुझ्या हृदयाच्या तारेतून

माझ्या हृदयी

असाच असू दे हात तुझा

तुझ्या हृदया जवळी

समजेन मी आर्त तुझी तत्काळ

अन हाक माझी तुही

भाऊ नसून असशी

तू भाव माझ्या मनीचा  

असाच असू दे भाव सदैव

तुझ्याजवळी माझ्या जीवनाचा

तुमचे प्रेम व आत्मीयता

हीच सामजते भेट तुमची

मी मोठी भाग्याची